Ғарыштық техника және технологиялар институты Қазақстан Республикасында навигациялық пломбаларды қолдану арқылы тасымалдарды қадағалауға арналған «Транзит» ақпараттық жүйесінің (АЖ) ұлттық операторы болып табылады.
Қазіргі уақытта институт «Транзит» АЖ-ны әзірлеуде, және жүйе 2024 жылы сынақ режимінде іске қосылады.
Осыған байланысты, 2024 жылдың екінші жартыжылдығында ҚР заңнамасына сәйкес навигациялық пломбаларды мемлекеттік сатып алу жоспарлануда.
Қазақстандық навигациялық пломбалардың сапасы, функционалдығы, «Транзит» АЖ-мен үйлесімділігі және Еуразиялық экономикалық комиссия талаптарына сәйкестігін бағалау мақсатында институт отандық өндірушілер мен жеткізушілерді өнімдерін ұсынуға шақырады.
Бұл іс-шара өндірушілерге өз құрылғыларының артықшылықтарын әлеуетті клиенттерге көрсетуге және перспективалы нарыққа шығуға мүмкіндік береді.
Толық ақпарат алу үшін мына нөмірлерге хабарласыңыз: +7 (727) 390-34-88, +7 (727) 221-77-95, ішкі 104, 314.
Құрметпен,
Ғарыштық техника және технологиялар институты