ҒТТИ құрылымы
  • ҒТТИ құрылымы

    ҒТТИ – күрделі инновациялық үдерістерді жүзеге асыратын ұйым. Құрылымдық бөлімшенің біршама дербестігі бар, сондықтан да ғарыш қызметі саласында белгілі бағыты бар шеңберде басқарудың дивизиялық құрылымы таңдалды, бірақ қызметтердің негізгі стандарттары мен жалпы мақсаттары сақталған.

    Aшy
  • Жоғары тұрған ұйымдардың құрылымы

    «Ғарыштық техника және технологиялар институты» ЕЖШС Қазақстан Республикасының Инвестициялар және даму министрлігі Аэроғарыш комитетінің бағынысты ұйымы «Ұлттық ғарыштық зерттеулер мен  технологиялар орталығы» АҚ  құрамына кіреді. 

    Aшy
  • Басшылық

    Компания басшылығы – бұл әкімшілік және ғылыми-зерттеу қызметтері бойынша көп жылдық жұмыс тәжірибесі бар, жоғары технология саласында үздік көшбасшы болып танылған кәсіпқой –пікірлестер командасы.

    Aшy
  • Патенттер, басылымдар, дипломдар, сертификаттар.

    ҒТТИ ғылыми және ғылыми-техникалық қызметтер субъектісі ретінде тіркелген, «Сапа менеджмент жүйесі» ҚР СТ ИСО 9001-2009  стандарт талаптарына сәйкестік сертификаты бар, қазақстандық және шетелдік басылымдарда көптеген мақалалары жарияланған. ҒТТИ мамандары өнімдердің әртүрлі үлгілеріне 7 патент алды. 

    Aшy
  • Кадр құрамы

    ҒТТИ - 100 астам қызметкерлер бар, оның ішінде 1- ҚР ҰҒА академигі, 2-ғылым докторы, 10- ғылым кандидаты, 1- Ph.D., 6- магистр, 5- магистрант, 3- докторант. Жалпы санынан: 42- ғылыми қызметкер, 28- АТҚ . ҒТТИ қызметкерлерінің орташа жас мөлшері – 37,1 жас.

    Aшy
  • Үлестірме материалдар

    Кітапшалар, бүктемелер, визиткалар, үнпарақтар, күнтізбелер, тізімдемелер, альбомдар және т.б.

    Aшy
ҚЫЗМЕТТЕР
  • Сатып алулар

    Мемлекеттік сатып алуды жүзеге асыру үшін қажетті ақпарат.

    Aшy
  • Ғарыш қызметі

    ҒТТИ ғарыштық бағыттағы әзірлемелер бойынша көптеген ғылыми-зерттеу және тәжірибелік-конструкторлық жұмыстарды  орындады.

    Aшy
жаңалықтар
    • ҚР Қорғаныс және аэроғарыш өнеркәсібі министрі
      08.11.2017

      ҚР Қорғаныс және аэроғарыш өнеркәсібі министрі Б.Б. Атамқұловтың  «KADEX - 2018» қару-жарақ және әскери-техникалық VХалықаралық көрмесіне қатысушыларға Үндеуі


      Құрметті ханымдар мен мырзалар!


      ҚР Қорғаныс және аэроғарыш министрлігінің және өзімнің атымнан 2018 жылдың 23-26 мамыры аралығында Астана қаласында өтетін «KADEX - 2018» қару-жарақ және әскери-техникалық V Халықаралық көрмесі өтетінін хабарлай отырып, баршаңызды осы шараға шақырамын. 

      Бұл Қазақстан Республикасы Қорғаныс және аэроғарыш өнеркәсібі министрлігінің қамқорлығында өтетін алғашқы көрме. Оған отандық және шетелдік қорғаныс-өнеркәсіп кешені мен ғарыш саласының кәсіпорындары, жетекші конструкторлық бюро мен ғылыми-зерттеу институттары қатысады.

      «KADEX» көрмесі өткізілген жылдардан бері құқық бойынша қару-жарақ, әскери және арнайы техникаларды, ақпараттық қауіпсіздік саласындағы технологияларды көрсету тұрғысында әлемнің жетекші көрме алаңына айналды.

      «KADEX - 2018» көрмесі аумағында орталық диалогтық көрме алаңдарының бірі болатын «Қазақстандағы ғарыш күндері» Халықаралық форумы тұңғыш рет өткізіледі.

      Форум аясында пленарлық және секциялық отырыс, конференция, «дөңгелек үстел» форматында барлық елдердің мамандары қорғаныс және қауіпсіздік, әлемдік ғарыш саласын дамыту мәселелері төңірегінде пікір алмасып, замануи кезеңде киберқорғаныспен қамтамасыз ету сұрақтары талқыланатын кең көлемді ғылыми-іскерлік бағдарлама жүзеге асырылады.

      Көрме қонақтары мен қатысушылар қорғаныс-өнеркәсіп кешені мен ғарыш саласындағы кәсіпорындардың соңғы жетістіктері мен ғылыми әзірлемелерімен таныса алады.  Көрмеде негізгі басымдық электронды жүйені дамытуға, байланыс және қару-жарақпен басқару жүйесіне, ақпараттық қауіпсіздікте заманауи шешімдерді іздеуге беріледі.

      Тәжірибе көрсеткендей, мұның бәрі өз кезегінде әскери-техникалық ынтымақтастықты, киберқорғаныс пен ғарыш кеңістігін игеруде әріптестік қатынасты дамытатын өзара тиімді келісімшарт жасаумен, келісімдер мен меморандумдарға қол қоюмен аяқталуы тиіс.

      Баршаңызды «KADEX - 2018» қару-жарақ және әскери-техникалық V Халықаралық көрмесіне қатысуға шақырамын.

      «KADEX - 2018» көрмесі отандық қорғаныс-өнеркәсіптік кешені және елімідің ғарыштық кәсіпорындары үшін ауқымды шара болатынына және жоғары деңгейде өтетініне сенемін.

      Бұл шараға қатысушылар мен қонақтарға жемісті еңбек пен биік белестер тілеймін!

       

       

      Құрметпен,

       

      Қазақстан Республикасы

      Қорғаныс және аэроғарыш

      өнеркәсібі министрі                               Б. Атамқұлов